عزيزى الزائر مرحبا بك ويشرفنا تسجيلك فى المنتدى .. مع تحيات ..حسن ربيع


منتديات تعليمية , إسلامية , إجتماعية , منوعة
 
الرئيسيةالبوابةاليوميةس .و .جبحـثالأعضاءالمجموعاتالتسجيلدخول

شاطر | 
 

 انـــــــا فــاشــــــل!!

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
حسن ربيع
Admin


عدد المساهمات : 183
تاريخ التسجيل : 15/12/2011
العمر : 54

مُساهمةموضوع: انـــــــا فــاشــــــل!!   السبت مارس 10, 2012 7:50 am

انـــــــا فــاشــــــل!!
هل حسيت مرة بالإحباط؟
هل اعتقدت مرة إنك جربت كل الطرق الممكنة عشان توصل لحاجه معينة، وفشلت في كل مرة.. وده خلاك تشعر باليأس وتتوقف عن المحاولة؟
ناس كتير مننا بيجربوا الفشل.. ولما ده يتكرر بيعتقدوا إنه مؤشر لأنهم غير ناجحين في حياتهم.. وإن أفضل طريقة عشان يتوقفوا عن الشعور بالإحباط هو أن يتوقفوا تماما عن المحاولة.. ويرضوا بالأمر الواقع.
إيه الموضوع ده بقى؟
طيب.. عشان نعرف إيه الحكاية تعالوا نعرف إيه هو النجاح بالضبط ؟؟؟
ما النجاح؟
فيه تعريفات كتير للنجاح.. لكن التعريف اللي أقنعني فعلا هو التعريف التالي:
(النجاح هو القدرة على الانتقال من فشل إلى فشل دون أن تفقد حماسك)
"ونستون تشرشل"
خدت بالك من المقولة دي؟
لو قرأت قصص الناجحين في أي مجال هتكتشف حاجة غريبة قوي.. هتلاحظ إن أي شخص ناجح في أي مجال مر بسلسلة من الفشل في بداية مشواره.. لكنه كمل محاولاته لحد ما وصل للنجاح اللي وصل له..
يعني الفرق بين الناجح والفاشل هو إن الفاشل توقف عن المحاولة وشعر باليأس.. لكن الناجحين مابيعرفوش الشعور ده..
ناخد مثال على الموضوع ده..
"توماس أديسون" والمصباح الكهربائي
كتير من الناس بيعتبروا "توماس أديسون" من أكثر العلماء اللي أثروا في حياتنا باختراعاتهم.. لأن ماحدش فينا يقدر يتخيل الحياة من غير المصباح الكهربائي..
"توماس أديسون" يعتبر فعلا من أهم العلماء في تاريخ الإنسانية وله أكثر من براءة اختراع.. لكن هل تعلم أنه مر بسلسلة مريعة من الفشل قبل اختراع المصباح الكهربائي؟
حاول "توماس أديسون" وأجرى العديد من التجارب لأنه كان يؤمن بفكرته.. فكرة إنه يخترع حاجة بتنور..
وتكررت تجاربه الفاشلة حتى وصلت إلى 9999 تجربة.. تخيل؟؟
وفي حديث مع وسائل الإعلام سأله أحدهم:
"سيد أديسون.. لقد فشلت 9999 مرة، إنت فاشل عالمي.. لماذا لا تتوقف عن هذه التجارب الفاشلة؟"
عارفين كان رده إيه؟؟
قال "توماس أديسون":
(الفاشلون هم أناس لم يعرفوا كم كانوا قريبين من النجاح حين توقفوا!!)
شايف الكلام؟
يعني لما تجرب كل الطرق الممكنة عشان توصل لهدفك.. قبل ما تشعر باليأس وتتوقف اعرف إنك قربت جدا من هدفك..
ممكن تكتشف إنك توقفت قبل ما توصل لهدفك بخطوة..
هاقول لك حاجة صغيرة..
فيه حكيم صيني قال:
(حينما ينغلق أمامك باب الأمل.. لا تتوقف لتبكي أمامه طويلا.. لأنه في هذه اللحظة انفتح خلفك ألف باب ينتظرون أن تلتفت لهم!!)
لما تلاقي نفسك يئست اعرف إن نجاحك قرب.. لما تلاقي فشلك تكرر اعرف إنه مش فشل.. بل تجارب ستسفيد منها في المرة القادمة لتصل إلى هدفك..
جرب بنفسك
لحظة من فضلك ...ممكن
هاقول لك حاجة تجربها:
اقعد في مكان هادي وغمض عينيك..
فكر في فشل حصل لك في أي موقف في مواقف حياتك..
فكر بينك وبين نفسك:
هل لو حصل لك دلوقتي (في الزمن الحالي) هذا الموقف.. هل هتتصرف بنفس الطريقة أم لا؟؟
هه؟؟
أكيد لأ.. مش كده؟
عارف ليه؟
عشان التجربة دي علمتك وخلتك أقوى وأكثر خبرة..
تبقى مش فشل..!
أيوه.. هي دي الحقيقة.. لو عايز تشوف نفسك فاشل هتشوف نفسك فاشل فعلا.. إنما لو عايز تستفيد من كل المواقف اللي حسيت إنك أخفقت فيها.. هتلاقي جانب مضيء ماكنتش واخد بالك منه.. وهتستفيد من تجارب حياتك بدل ما تخليها تضرك..

الخلاصة
مافيش حاجة اسمها فشل..
فيه حاجة اسمها تجارب اتعلمنا منها، وهتخلينا نمشي في الطريق الصح.. ومانغلطش نفس الأخطاء بتاعتنا..
ماتخليش أي حاجة تخليك تتوقف عن المحاولة.. التجارب غير الناجحة دي مجرد خبرات اتعلمنا منها ازاي نكون أفضل.. خليها حافز للاستمرار مش مبرر للتوقف عن المحاولة... ممكن تكون قربت جدا وفاضل لك خطوة.. لكن الإحباط خلاك تتوقف قبل هدفك بسنتيمترات!
- حاولت تحقق هدفك وجربت أكتر من مرة لحد ما يئست؟
- دورت على وظيفة ومالاقتش، فتوقفت عن المحاولة؟
كان لك حلم وبطلت تسعى ليه، لأن حد أقنعك إن مافيش فايدة؟
كتير من التعليقات اللي هتيجي على المقال ده هتقول إن مافيش فايدة ومافيش أمل والكلام اللي اتبرمجنا عليه.. ماتسمعش الكلام ده وخليك ماشي في طريق نجاحك..
الناجحين أقل من الفاشلين.. لأن النجاح صعب مش عشان أي حاجة تانية.. اللي يقول لك إن مافيش فايدة، اعرف إنه مستسلم ومش عايز يبقى من القلة الناجحة في الحياة.. لأن الناجحين مابيعرفوش الكلمة دي..
معظم الناجحين في مصر أو غيرها.. كانت الظروف ضدهم وفشلوا كتير (فكر في الأمثلة اللي تخطر على بالك).. لكنهم ماستسلموش..
هو ده الفرق..
لو المستسلمين دول أحبطوك وحسسوك إن النجاح مستحيل.. يبقى اقرأ هذا المقال مرة أخرى...
وخليك فاكر
احنا بنعيش في الدنيا دي حياة واحدة بس.. خليها تبقى أفضل حياة ممكنة
الموضوع منقول.....
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://baneen70.yoo7.com
Randa Hassan
مشرف
avatar

عدد المساهمات : 355
تاريخ التسجيل : 05/01/2012
العمر : 45

مُساهمةموضوع: رد: انـــــــا فــاشــــــل!!   السبت مارس 10, 2012 8:24 pm

كلام جميل و صحيح
يااااا رب اجعل امة الاسلام كلها من الناجحين
و لا تصبنا بالاحباط ابداااا
اللهم اجعل حياتنا كلها امل Smile
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.facebook.com/pages/%D8%A7%D9%84%D9%85%D8%B0%D9%8A%D8%
Randa Hassan
مشرف
avatar

عدد المساهمات : 355
تاريخ التسجيل : 05/01/2012
العمر : 45

مُساهمةموضوع: لا تحبط ابدا   الخميس أبريل 19, 2012 3:37 pm

[ندعوك للتسجيل في المنتدى أو التعريف بنفسك لمعاينة هذا الرابط]

إذآ وضعتَ إصبعگ أمآم نملة وَ هي تسير ،
فهي أبدآ لا تقف ..!
بَل تُحاول بطريقة أخرىٰ، وَ تغيّرُ آتجآههآ !
وَ تجد ألف مخرج لتستمرَّ في طريقهآ ،

فَمآ بآلُ شخص منآ !
... يضربُ بَـ رأسهِ إذآ حصل له عآئق !
وَ لآ يُفگر في تغيير طريقه ..؟!
مَآ دآمت آلإمگآنآت تَسمحْ ،
، وَ آلطريق يسع ،

آبدأ من آللحظة . . !
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.facebook.com/pages/%D8%A7%D9%84%D9%85%D8%B0%D9%8A%D8%
Randa Hassan
مشرف
avatar

عدد المساهمات : 355
تاريخ التسجيل : 05/01/2012
العمر : 45

مُساهمةموضوع: رد: انـــــــا فــاشــــــل!!   الجمعة أكتوبر 19, 2012 11:42 pm

[ندعوك للتسجيل في المنتدى أو التعريف بنفسك لمعاينة هذا الرابط]


حين تنكســـر …
لــن يرممك ســوى نفســـــك …
و حيــن تنهـــزم …
لــن ينصرك سوى إرادتــــــــك …
فقدرتك على الوقــوف مــرة أخـــرى ,, لا يملكهــا ســـواك …!!
... ... ... ... ... ...فكــن أقـــوى من الدنيــا و ظروفــهـــا …
و مهما حدث لك ..
لا تبــكِى ولكن أبتسم …!!!
دع الــدنيـا تبــكي من جبــــروت إبتســامتك Smile
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.facebook.com/pages/%D8%A7%D9%84%D9%85%D8%B0%D9%8A%D8%
 
انـــــــا فــاشــــــل!!
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: قسم المنوعات :: إسهامات متنوعة-
انتقل الى: